Ob-havoning keskin o‘zgarishi, kuchli shamol va qor bo‘ronlari oqibatida elektr tarmoqlariga tushayotgan yuklama ortib, Termiz tumanidagi ayrim elektr uzatish stansiyalari hamda tarmoqlarida nosozlik va avariya holatlari yuzaga keldi. Shunga qaramay, energetika sohasi xodimlari yuzaga kelgan muammolarni tezkor bartaraf etish maqsadida tun-u kun xizmat olib bordilar.
Tezkor va muvofiqlashtirilgan ishlar natijasida Termiz tumanidagi 28 ta mahallada elektr energiyasi ta’minoti to‘liq tiklandi. Bu esa soha mehnatkashlarining yuksak mas’uliyati, kasbiy mahorati va fidoyiligidan dalolat beradi. Qolgan mahallalarda ham elektr ta’minotini to‘liq tiklash bo‘yicha barcha zarur chora-tadbirlar izchil amalga oshirilmoqda.
