2026-yil 1-fevraldan boshlab zo‘ravonlik oqibatida oilasidan ajratilgan, hayoti va sog‘lig‘iga tahdid mavjud hamda ijtimoiy xavfli ahvolda qolgan bolalarni himoyalashga qaratilgan professional tutingan oila xizmati yo‘lga qo‘yiladi.
Yangi tizim bolalarni davlat muassasalariga joylashtirmasdan, ularni vaqtinchalik xavfsiz va sog‘lom oila muhitida parvarishlashni nazarda tutadi. Professional tutingan oilalar bolaning huquqlarini himoya qilish, psixologik qo‘llab-quvvatlash, ta’lim olishi va ijtimoiy moslashuviga ko‘maklashadi.
Mazkur mexanizm zo‘ravonlikka uchragan yoki oilasida qolishi xavfli bo‘lgan bolalar uchun muvaqqat himoya chorasi sifatida xizmat qilib, ularning barqaror rivojlanishini ta’minlashga qaratilgan. Ushbu tashabbus bolalarni muassasalarga joylashtirish holatlarini kamaytirib, ularning oila muhiti bag‘rida ulg‘ayishiga imkon yaratadi.
