Joriy o‘quv yili davomida tasdiqlangan reja-jadvalga muvofiq, Sherobod tuman 8-sonli Bolalar musiqa va san’at maktabida “Ijod maskani” turkum tadbirlari izchil davom etmoqda. Maktabning musiqa yo‘nalishi bo‘linmasiga qarashli an’anaviy xonandalik sinfi tomonidan “Maqom ohanglari” deb nomlangan konsert dasturi tashkil etildi.
Tadbir davomida o‘quvchilar milliy maqom san’atiga oid mumtoz asarlarni mahorat bilan ijro etib, tomoshabinlarga yuksak estetik zavq ulashdilar. Konsertning asosiy maqsadi o‘quvchilarda milliy musiqa merosiga bo‘lgan qiziqishni oshirish, maqom san’atini keng targ‘ib etish hamda yosh ijrochilarning sahna madaniyati va ijrochilik mahoratini rivojlantirishdan iborat bo‘ldi.
