“Yashil makon” umummilliy loyihasi doirasida Termiz davlat pedagogika institutiga biriktirilgan yer maydonida navbatdagi ko‘chat ekish tadbiri o‘tkazildi. Tadbirda institut rahbariyati, professor-o‘qituvchilar, talaba yoshlar hamda faol jamoatchilar ishtirok etdi.
Aksiya davomida jami 2000 tup manzarali va mevali daraxt ko‘chatlari yerga qadalib, agrotexnik talablar asosida parvarish ishlari olib borildi.
Tadbir nafaqat hududni ko‘kalamzorlashtirish, balki yoshlar o‘rtasida ekologik madaniyatni oshirishga xizmat qildi. Institut jamoasi kelgusida ham “Yashil makon” loyihasi doirasidagi ezgu ishlarni izchil davom ettirishni rejalashtirgan.
