O‘zbekistonda 27-noyabrda imzolangan qonunga muvofiq, elektron sigaretalar va nikotin yetkazib beruvchi elektron tizimlarning tayyorlash, saqlash, tashish, sotish hamda olib kirish-chiqarishiga qat’iy taqiq joriy etildi.
Mazkur harakatlar uchun BHMning 300–500 baravari miqdorida jarima, 2–3 yil axloq tuzatish ishlari yoki 3–5 yilgacha ozodlikdan cheklash/mahrum qilish jazosi belgilandi.
Taqiqlangan mahsulotlarni ixtiyoriy topshirgan va aybini bo‘yniga olgan shaxslar javobgarlikdan ozod qilinadi. Shuningdek, tamaki va alkogol mahsulotlari to‘g‘risidagi qonunga elektron sigaretalar muomalasini cheklovchi qo‘shimchalar kiritildi.
