1,7 milliondan ortiq aholi ichimlik suvi bilan ta’minlanadi

Date:

Prezidentimiz tashabbusi bilan amalga oshirilayotgan “To‘palang suv ombori suvlaridan foydalanish hisobiga Surxondaryo viloyati suv ta’minotini yaxshilash” loyihasining ikkinchi bosqichi jadal davom etmoqda. Loyihaning ushbu bosqichida xorijdan olib kelingan zamonaviy gorizontal burg‘ilash agregati yordamida yerusti va yerosti kommunikatsiyalariga zarar yetkazmasdan, quvurlar yotqizish ishlari tez va samarali bajarilmoqda.

So‘nggi yillarda 246 kilometr ichimlik suvi tarmog‘i tortilib, 8 ta suv saqlash hovuzi barpo etildi. Dastlabki bosqichda Sariosiyo, Denov, Sho‘rchi va Qumqo‘rg‘on tumanlaridagi 135 mingga yaqin aholining sifatli, mineral moddalarga boy ichimlik suvi bilan ta’minlanishi yo‘lga qo‘yildi. Joriy yilda esa Oltinsoy va Bandixon tumanlarida 86 mingdan ortiq kishi “To‘palang” suv ombori suvlaridan foydalanishni boshladi.

Xitoy texnologiyasiga asoslangan yangi agregat yordamida ish unumdorligi bir necha barobar oshib, ekologik zarar kamaydi, avtomobil harakatiga to‘sqinlik qilinmayapti. Mutaxassislarning ta’kidlashicha, ilgari bir kunda 200–300 metr quvur yotqizilgan bo‘lsa, endi bu ko‘rsatkich 800–1000 metrgacha yetmoqda.

2017 yilda Surxondaryo viloyatida markazlashgan ichimlik suvi bilan ta’minlanish darajasi 47 foizni tashkil etgan bo‘lsa, hozir bu ko‘rsatkich 67 foizga yetdi. Megaloyiha to‘liq yakunlangach, 1,7 milliondan ortiq aholi toza, tog‘ suviga boy ichimlik suvi bilan ta’minlanadi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Toshkent sahnasida “Momo yer”

Toshkentdagi Muqimiy teatrida Respublika teatr festivali doirasida Surxondaryo, Samarqand...

Hakim Termiziy merosi dunyo olimlari nigohida

Termiz shahridagi Imom Termiziy xalqaro ilmiy-tadqiqot markazida buyuk alloma...

O‘quvchilar harbiylar bilan uchrashdi

Denov tumanidagi 76-sonli umumta’lim maktabida Xayrabod garnizonida joylashgan harbiy...

Yagona imtihon joriy etiladimi?

O‘zbekistonda maktab o‘quvchilarining bilimini baholash va yakuniy imtihonlar tartibini...
KunTun
KunTun