Angor tumanida istiqomat qiluvchi tadbirkor Hurriyat Bozorova tomonidan xotin-qizlar bandligini ta’minlash maqsadida shirinliklar ishlab chiqarish sexi faoliyati yo‘lga qo‘yilgan. Xonadonida tashkil etilgan ushbu sexda turli xil, jumladan, 20 dan ortiq shirinlik turlari tayyorlanadi. Tadbirkor ayolning tashabbusi bilan 15 nafar xotin-qizning bandligi ta’minlangan.
— “Ayollar daftari”ga ishsizligim uchun kiritilgandim. O‘sha paytda imtiyozli 33 million so‘m kredit olib, faoliyatimni boshlaganman,” — deydi Hurriyat Bozorova.
Faoliyatini boshlaganiga 3 yildan oshgan ushbu sex bugungi kunda nafaqat mahalliy aholining, balki atrof mahallalardagi xaridorlarning ham e’tirofiga sazovor bo‘lgan.
Bunday loyihalar aholi bandligini oshirish, oilalar turmush darajasini yuksaltirish va mahallada tadbirkorlik muhitini rivojlantirishga xizmat qilmoqda.
