Surxondaryo viloyatida “Maktabgacha va maktab ta’limi vaziri kubogi” uchun badiiy gimnastika musobaqasining viloyat bosqichi bo‘lib o‘tdi.
Mazkur musobaqa yoshlarning jismoniy tarbiya va estetik didini rivojlantirish, sog‘lom turmush tarziga bo‘lgan qiziqishini oshirish hamda gimnastika sport turini ommalashtirish maqsadida tashkil etildi.
Qizg‘in va ijobiy muhitda o‘tgan bellashuvda ishtirokchilar o‘z mahoratlarini namoyon etib, chiroyli chiqishlari bilan hakamlar va tomoshabinlarda katta taassurot qoldirishdi.
Natijalarga ko‘ra:
🥇 Oltinsoy tumani jamoasi — 1-o‘rin,
🥈 Qumqo‘rg‘on tumani jamoasi — 2-o‘rin,
🥉 Sariosiyo tumani jamoasi — 3-o‘rinni egalladi.
Musobaqa yakunida g‘olib jamoalar tantanali ravishda taqdirlanib, ularga faxriy yorliqlar va esdalik sovg‘alari topshirildi. Tadbir yoshlar orasida gimnastikaga bo‘lgan qiziqishni yanada oshirishga xizmat qildi.
