Denov tumanida vazir E‘zoza Karimova boshchiligida tanqidiy-tahliliy ruhda yig‘ilish bo‘lib o‘tdi. Unda viloyat MMTB mas’ullari, tuman (shahar) bo’limlari mudirlari ishtirok etishdi. Yigʻilish davomida ta’lim muassasalaridagi qurilish-ta’mirlash ishlari, ta’lim sifatini oshirish, kuz-qish mavsumiga tayyorgarlik jarayonlari haqida so‘z yuritildi hamda tizim vakillarining axboroti tinglandi.
Shuningdek, tashrif doirasida gazeta.uz internet nashrida yoritilgan, olis hududlaridagi maktab oʻquvchilari uchun avtobuslar masalasi o’rganildi va mahalliy hokimlik vakillari bilan ushbu yo’nalishda olib borilayotgan ishlar muhokama qilindi.
Denov tumanidagi 82-maktab, Sariosiyo tumanidagi 12-, 24-, 58-maktablar va 23-MTT faoliyati ham ko‘zdan kechirildi hamda mas’ullarga tegishli topshiriqlar berildi.
