Surxondaryo viloyatining barcha tuman va shaharlarida ayni kunlarda “Sen iste’dodlisan” ko‘rik-tanlovining tuman, shahar bosqichlari o‘tkazilmoqda. Unda uyda yakka tartibda ta’lim olayotgan hamda inklyuziv sinflarda tahsil olayotgan o‘quvchilar qatnashmoqdalar.
Tanlovning asosiy maqsadi imkoniyati cheklangan o‘quvchilarning iste’dodi va ijodiy qobiliyatlarini yuzaga chiqarish, ularni qo‘llab-quvvatlashdir. Ko‘rik-tanlov estrada-vokal (an’anaviy ijrochilik) hamda tasviriy san’at yo‘nalishlari bo‘yicha o‘tkazilmoqda. Ishtirokchilar o‘z chiqishlari orqali san’atga bo‘lgan mehrini, orzu-intilishlarini va ijodiy salohiyatini namoyon etmoqdalar.
Tanlov bosqichma-bosqich tashkil etilib, tuman (shahar) bosqichida g‘oliblikni qo‘lga kiritgan ishtirokchilar keyingi — viloyat bosqichida o‘z mahoratini sinovdan o‘tkazadilar.
