Yoshlar ma’naviyatini yuksaltirish, ularning mutolaa madaniyatini shakllantirish va kitobxonlikni targ‘ib etish maqsadida Bandixon tumanida xayrli tashabbus amalga oshirildi. Tumanning “Chinor” mahallasidagi 9-sonli umumta’lim maktabini bundan 20 yil avval tamomlagan bir guruh ziyoli bitiruvchilar o‘zlari tahsil olgan muassasaga 200 dan ortiq badiiy hamda jahon adabiyotidan iborat qimmatli kitoblar to‘plamini sovg‘a qildi.
Ushbu ezgu tashabbus nafaqat yosh avlodni ilm-fanga, kitobga mehr uyg‘otadi, balki ularning tafakkurini boyitish, ma’naviy kamolotiga hissa qo‘shishda muhim omil bo‘lib xizmat qiladi. Bu kabi amaliy ishlar yoshlarga e’tiborning yana bir yorqin ifodasidir.
