So‘nggi yillarda mamlakatda mikroqarz va iste’mol kreditlari bozori faollashmoqda. Raqobat qo‘mitasi ma’lumotiga ko‘ra, ayrim kredit tashkilotlari agressiv marketing orqali qarz olishni oson ko‘rsatmoqda, ammo bu moliyaviy xatarlar haqida yetarlicha ma’lumot bermaydi.
Natijada, ko‘plab fuqarolar moliyaviy qiyinchiliklarga duch kelishi mumkin. Shu sababli, Raqobat qo‘mitasi Markaziy bank bilan birgalikda reklama qonuniga o‘zgartirish kiritishni taklif qilmoqda. Unga ko‘ra, kredit reklamalarida kamida 10 foiz joy moliyaviy xatarlar haqida ogohlantirishga ajratiladi.
Bu tashabbus moliyaviy savodxonlikni oshirish va mas’uliyatli qarz olish madaniyatini shakllantirishga qaratilgan. Raqobat qo‘mitasi fuqarolarni kredit shartlarini diqqat bilan o‘rganishga chaqiradi.
