Instagram 18 yoshgacha bo‘lgan foydalanuvchilar uchun “13+” maxsus cheklov tizimini joriy qilmoqda. Bu tizim orqali nomaqbul kontentlar — qo‘pol so‘zlar, giyohvandlik, spirtli ichimliklar, zo‘ravonlik va shahvoniy materiallar cheklanadi. 18 yoshdan kichiklar avtomatik ravishda 13+ sozlamalariga o‘tkaziladi, faqat ota-onalar ruxsati bilan o‘zgartirish mumkin.
Tizim dastlab AQSh, Buyuk Britaniya, Avstraliya va Kanadada ishga tushadi, keyinchalik boshqa mamlakatlarga ham yetkaziladi. Ba’zi mutaxassislar xavfsizlik choralarini yetarli emas deb hisoblamoqda, biroq Meta bu tanqidlarga javob bermoqda.
