Surxondaryo – hamkorlik uchun qulay hudud

Surxondaryoning investitsiyaviy salohiyati xalqaro hamkorlar e’tiborida. Bugun viloyat hokimi Ulug‘bek Qosimov Xitoyning yetakchi kompaniyalari — “Anhui Wende Holding Group” boshqaruv kengashi raisi Yan Syumey hamda “FMWORD” kompaniyasi bosh direktori Chju Linszyun boshchiligidagi delegatsiyalarni qabul qildi.
Uchrashuvda qishloq xo‘jaligi, chorvachilik, tog‘-kon va geologiya sohalarida qo‘shma loyihalarni amalga oshirish masalalari muhokama qilindi. Xususan, yangi yer maydonlarini o‘zlashtirish, yuqori hosildor paxta navlarini yetishtirish, urug‘chilik markazi hamda agrotexnologiyalarni o‘qituvchi ta’lim muassasasi tashkil etish tashabbuslari ilgari surildi.
Muloqot yakunida tomonlar Surxondaryoning imkoniyatlaridan kelib chiqib, yangi investitsiya tashabbuslarini amalga oshirish bo‘yicha kelishuvlarga erishdilar.