O‘zbekistondagi barcha aeroportlarning IKAO kodi yangilanadi — endilikda UT o‘rniga UZ kodi qo‘llaniladi. Bu haqda Transport vazirligi huzuridagi “O‘zaeronavigatsiya” markazi xabar berdi.
Shuningdek, mamlakat havo hududida yagona o‘tish balandligi – 13 ming fut (4 km) va o‘tish esheloni – FL150 (4,5 km) joriy etiladi. Avval bu ko‘rsatkichlar 6000 va 8000 fut edi.
Mazkur o‘zgarishlar uchuvchilar va dispetcherlar ishini yengillashtiradi, radioaloqa yuklamasini kamaytiradi, havo harakatini aniqroq va xavfsizroq qiladi. Shuningdek, yoqilg‘i tejalishi va chiqindilar kamayishi hisobiga iqtisodiy samaradorlik ham oshadi.
Yangi UZ kodi joriy etildi
Date: