Yilning sovuq fasllariga tayyorgarlik ko‘rish — aholining farovonligi va muassasalarning uzluksiz faoliyatini ta’minlashda muhim omil sanaladi. Shu nuqtayi nazardan, Boysun tumani hokimi Bahodir Shukurov tomonidan tumandagi bir qator ijtimoiy soha obyektlarining kuz-qish mavsumiga tayyorgarlik holati o‘rganildi.
Tibbiyot birlashmasi, maktabgacha ta’lim tashkilotlari va umumta’lim maktablarida olib borilgan o‘rganishlar davomida mavjud ko‘mir zaxiralari, qozonxonalar faoliyati, isitish tizimlarining texnik holati atroflicha ko‘zdan kechirildi. Tekshiruvlar natijasida aniqlangan ayrim kamchiliklarni bartaraf etish va muassasalarda issiqlik tizimining me’yoriy ishlashini ta’minlash yuzasidan mas’ul rahbarlarga aniq topshiriq va tavsiyalar berildi.
Bunday o‘rganishlar ta’lim, tibbiyot va boshqa muhim sohalarda xizmat ko‘rsatayotgan muassasalarning qish mavsumida to‘laqonli faoliyat yuritishini kafolatlash, ayniqsa, bolalar va bemorlarning salomatligi uchun zarur shart-sharoitlarni yaratishda muhim ahamiyat kasb etadi.
