Denov tumani hokimi Ilhom Abrorov tashabbusi bilan xorijiy investorlar, sanoat vakillari va yirik kompaniyalar bilan samarali uchrashuvlar o‘tkazilmoqda. Shu jumladan, hokimlikda Indoneziyaning “Textile Machinery & Construction” kompaniyasi bilan uchrashuv bo‘lib o‘tdi.
Mazkur kompaniya tekstil sanoati uchun zamonaviy uskunalar ishlab chiqarish, qurilish sohasida texnologiyalarni joriy etish va yangi texnik yechimlar taklif etish bo‘yicha xalqaro miqyosda faoliyat yuritadi. Kompaniya rahbari Jaemoon Kim hamkorlik istiqbollari haqida o‘z fikrlarini bildirib, Denov tumanidagi sanoat salohiyatini yuqori baholadi.
Uchrashuv davomida ikki tomonlama hamkorlikni kengaytirish, tekstil va qurilish sohasida qo‘shma loyihalarni amalga oshirish, yangi ish o‘rinlari yaratish masalalari muhokama qilindi.
Xalqaro hamkorlikni yanada mustahkamlash orqali Denov tumani o‘zining iqtisodiy salohiyatini oshirish, yangi bozorlarni egallash va aholiga munosib turmush sharoiti yaratishda izchil harakat qilmoqda.
