Termiz shahrida joylashgan N-sonli harbiy qismda “Millat fidoyilari” nomli kitobning taqdimot marosimi tashkil etildi. Tadbirda harbiy qism qo‘mondonligi, shuningdek, askar va ofitserlar, shuningdek, hududiy ma’naviyat targ‘ibotchilari ishtirok etdi.
Taqdimot davomida kitob mazmun-mohiyati, unda aks ettirilgan tarixiy shaxslar, milliy qahramonlarimizning Vatanga sadoqatli xizmatlari haqida atroflicha ma’lumot berildi. Tadbir ishtirokchilari uchun kitobda yoritilgan voqealar nafaqat ma’naviy tarbiya, balki vatanparvarlik ruhini oshirishga xizmat qilishi alohida ta’kidlandi.
Yakunda harbiy xizmatchilar tomonidan kitob yuzasidan fikr-mulohazalar bildirilib, bunday tashabbuslarning ahamiyati yuqori ekani qayd etildi. Mazkur tadbir yoshlar qalbida milliy g‘urur, tarixiy xotira va vatanparvarlik tuyg‘ularini yanada mustahkamlashga xizmat qilishi bilan muhim ahamiyatga ega.
