Muzrabot tumanida katta xursandchilik – “Navro‘z” mahallasidan chiqqan, hozirda Toshkent shahrida yirik tadbirkorlik faoliyatini yo‘lga qo‘ygan kamtarin va saxovatpesha yurtdoshimiz Kamoliddin Namozov hamda uning farzandi Husniddin Boymuhammedov tomonidan zamonaviy tantanalar saroyi barpo etilib, foydalanishga topshirildi.
Ochilish marosimi haqiqiy bayramona ruhda, katta shodiyonalar bilan o‘tdi. Ayniqsa, tadbirkorning ezgu tashabbusi asosida oilaviy sharoiti og‘ir bo‘lgan 12 nafar bolajonning sunnat to‘yi ham o‘tkazilgani barchaning ko‘nglini yayratdi. Ularning ota-onalari, yaqinlari, mahalla oqsoqollari va ziyolilar ishtirokida o‘tgan bu marosim xalqimizning qadimiy qadriyatlari – mehr-oqibat, saxovat va hamjihatlikning yorqin ifodasiga aylandi.
Marosim davomida mashhur san’atkorlarning kuy-qo‘shiqlari yangradi, sahnadagi shodiyona va quvonchli lahzalar mehmonlarning yuzida beqiyos tabassum uyg‘otdi.
