Kasbga oʻrgatishda Xitoy tajribasini joriy etish maqsadida har bir viloyatda 2 tadan “Oʻzbekiston–Xitoy ustaxonasi”ni tashkil qilinadi. Oliygoh, texnikum va maktablarda xitoy tilini oʻqitish maqsadida 100 dan ziyod til egalari va volontyorlar taklif qilinadi.
Taʼkidlanishicha, Prezidentning Xitoyga tashrifi davomida energetika, geologiya, kimyo, transport, qishloq va suv xoʻjaligi sohalaridagi oʻnlab yirik kompaniya rahbarlari bilan 35 milliard dollarlik istiqbolli loyihalar paketi shakllantirilgan.
Shavkat Mirziyoyev yoshlarni kasb-hunarli qilib, doimiy daromad topishi uchun sharoit yaratish tashvishida ekanini, agar bu toʻgʻri yoʻlga qoʻyilsa, mahallada kambagʻal va ishsiz qolmasligini taʼkidladi.
