Bugungi kunda jamiyatimizda fidokorona mehnat qilayotgan, bilim va tajribasi, yutuqlari bilan yurt taraqqiyotiga hissa qo‘shayotgan insonlar turli yuksak mukofot va e’tiroflar bilan taqdirlanmoqda.
Shu jumladan, “Scientific Academy” ilm-ma’rifat markazining 2025-yil 22-aprel kungi 57-sonli buyrug‘iga asosan Mustaqil Davlatlar Hamdo‘stligi (MDH) miqyosida tashkil etilgan “Vatan Iftixori” xalqaro esdalik ko‘krak nishoni o‘z sohasida alohida muvaffaqiyatlarga erishgan bir guruh hamyurtlarimizga topshirildi.
Mazkur nishon bilan taqdirlanganlar safida Abrorov Ilhom, Yo‘ldosh Pirnayevlar bor. Bu mukofot ularning fidoyiligi, tashabbuskorligi va xalqaro miqyosda ham o‘z faoliyati bilan e’tirofga loyiq ekanligini yana bir bor tasdiqlaydi.
