Eng ulugʻ va eng aziz bayram oldidan oʻzimiz yashab turgan zaminni obod va koʻrkam boʻlishi uchun ham katta bunyodkorlik ishlarini boshlab yuborganmiz. Ammo hamma joyda ham emas. Eʼtiborsizlik esa eng yomon illatdir.
Muzrabot tumani hokimi Abdulla Mamatqulov tuman markazidagi Shodlik istirohat bogʻini tеgishli mas’ullar bilan oʻrganib chiqib, ana shunday masʼuliyatsizlikning guvohi boʻldi. Istirohat bogʻi o’z holiga tashlab qoʻyilgan, obodonlashtirish ishlari olib borilmagan.
Bunga tеgishli mas’ullar bеfarq ekanligini qattiq tanqid qildi. Tuman hokimi tеgishli mas’ullarni jalb qilib qisqa fursatda hududni obodonlashtirish, chiqindilardan tozalash, daraxtlarni suvlash, bundan tashqari tadbirkorlarni jalb qilish orqali aholiga qulay sharoitlar yaratish boʻyicha topshiriqlar bеrdi.
A.Mamatqulov Mustaqilligimizning 34 yillik bayramiga puxta tayyorgarlik koʻrish, bayramni koʻtarinki ruhda oʻtishiga har bir rahbar mas’ul ekanligini aytib oʻtdi.
