Surxondaryo viloyat davlat soliq boshqarmasida O‘zbekiston Respublikasi soliq tizimi tashkil topganining 34 yilligiga bag‘ishlangan tantanali tadbir o‘tkazildi. Unda viloyat rahbari barcha soliq tizimi xodimlarini – Soliq organlari bayrami bilan samimiy muborakbod etib, ularning mas’uliyatli va fidokorona mehnati uchun minnatdorlik izhor qildi hamda kelgusidagi faoliyatlarida katta muvaffaqiyatlar tiladi.
Shuningdek, soha rivojiga salmoqli hissa qo‘shgan, ko‘p yillik namunali xizmat faoliyati bilan boshqalarga namuna bo‘lib kelayotgan bir guruh xodimlar viloyat hokimligining faxriy yorliqlari va esdalik sovg‘alari bilan taqdirlandi.
Ushbu muhim sanani nishonlash bilan birga, soha vakillariga yanada ulkan yutuqlar, samarali mehnat va yangi marralarni zabt etishni tilaymiz.
D.Mahmudova
