Surxondaryo viloyati Sanitariya-epidemiologik osoyishtalik markazi hamda Sherobod tuman bo‘limi tomonidan tumandagi “Cho‘yinchi” mahallasida joyiga chiqqan holda o‘rganish ishlari olib borildi. O‘rganishlar natijasida aniqlangan masalalarni muhokama qilish maqsadida mahalla hududida yakuniy yig‘ilish tashkil etildi.
Yig‘ilishda viloyat sanitariya-epidemiologiya boshqarmasi birinchi o‘rinbosari Sh. Sulaymonov, tuman bo‘limi boshlig‘i O‘. Saidov, shuningdek, xalq ta’limi bo‘limi, obodonlashtirish bo‘limi, tibbiyot birlashmasi, “Toza hudud”, “Suv ta’minoti” kabi mas’ul tashkilotlar vakillari ishtirok etdilar.
Tadbir davomida mutasaddilar tomonidan mahalladagi xonadonlar ko‘zdan kechirilib, mavjud sanitariya holati, ichimlik suvi ta’minoti, hudud tozaligi va gigiyena bilan bog‘liq muammolar o‘rganildi va ular joyida bartaraf etildi.
