Termiz tumanida qishloq xo‘jaligi va irrigatsiya sohalari mutasaddilari, fermer va dehqon xo‘jaliklari rahbarlari ishtirokida “Kavsar irrigation systems” tomonidan qishloq xo‘jaligi yerlariga quyosh panellari orqali energiyasiz suv yetkazib berish tizimi yuzasidan amaliy seminar o‘tkazildi.
Unda kompaniya mas’ullari tomonidan taklif etilayotgan tizimning afzalliklari, iqtisodiy samarasi hamda kelgusidagi erishiladigan natijalar haqida ma’lumotlar berildi. Shuningdek, global miqyosda suv resurslari tejalgan sharoitda qishloq xo‘jaligida suv tejovchi texnologiyalar yordamida kamxarajat bilan yuqori hosildorlikka erishish muhimligi qayd etildi.
Kompaniya tomonidan taklif etilayotgan mobil sug‘orish tizimi 25 gektar maydonni sug‘orishga mo‘ljallangan bo‘lib, “Kavsar” uskunasini faqat qishloq xo‘jalida emas, balki xonadonlarda ham qo‘llash mumkinligi ta’kidlanib, afzalliklari sanab o‘tildi.
Seminar davomida tizimni joriy etish shartlari, bosqichlari yuzasida batafsil ma’lumotlar berilib, uni o‘rnatish istagini bildirgan xo‘jaliklar bilan shartnomalar tuzildi.
