Boysun tumanida 18-30 yoshdagi yoshlar oʻrtasida Surxon birdamligi musobaqasi doirasida “Alpomish izdoshlari” shiori ostida tarkibi 10 nafardan iborat o‘g‘il bolalar jamoalari o‘rtasida bellashuvlar oʻtkazildi. Bellashuvlarda arqon tortishda, tosh ko‘tarishda o‘z kuch va mahoratlarini ishga solishgan bo‘lishsa, shina ag‘darish, avtomobil tortish jarayonlari ham qizg‘in kechdi.
Muhimi, har bir jamoa nimalarga qodir ekanini bilish bilan birga, harakatlari, urinishlari besamar ketmadi. Ular haqiqiy Alpomish izdoshlari ekanliklarini isbotlash bilan birga kelgusida tayyorgarlikni yanada kuchaytirib, O‘zbekiston, Osiyo, jahon chempionatlariga chiqishni-da, o‘z oldilariga maqsad qilishiga ushbu musobaqa motivatsiya bergan bo‘lsa, ajab emas.
