Ayni kunlarda xorijiy va nodavlat OTMlardan oʻqishni koʻchirish boʻyicha arizalarni qabul qilish jarayonlari boshlanib ketgan. Shunday paytda ko‘pchilikda davlat granti asosida tahsil olayotgan talabalar qanday shartlarda mos yoki turdosh yoʻnalishga grantni saqlagan holda koʻchirilishi mumkinmi, degan savol tug‘ilishi aniq.
Aytish kerakki, davlat granti asosida tahsil olayotgan talaba mos (turdosh) taʼlim yoʻnalishi (mutaxassisligi)ga koʻchirilganda, grant saqlanadi. Koʻzi ojizlar va nogironligi boʻlgan shaxslarga ajratilgan maxsus kvota doirasida ham davlat grantlarini saqlagan holda koʻchirish amalga oshiriladi. Boshqa barcha holatlarda, shu jumladan, xorijiy oliy taʼlim muassasalaridan koʻchirish, toʻlov-kontrakt asosida amalga oshiriladi.
