Surxondaryo viloyati hokimi Ulug‘bek Qosimov Fransiya, Hindiston, Afg‘oniston, Pokiston va Xitoy davlatlaridan tashrif buyurgan investorlar delegatsiyalarini qabul qildi. Mazkur uchrashuvda viloyatimizda yirik investitsiya loyihalarini amalga oshirish bo‘yicha taklif va tashabbuslar muhokama qilindi.
Fransiyaning “Stone City Energy”, Hindistonning “Glocal Euroasia”, Afg‘onistonning “Afghan German Company”, Pokistonning “NajeeB Fibers” LLC hamda Xitoyning “Teca Technology Wuhan Company Limited”, “Henan Dazhou Machinery Equipment Co., Ltd”, “Bedley Hong Kong International Limited”, “Horgos Hongheyuan International Trade Co., Ltd” kompaniyalari vakillari bilan hamkorlikdagi loyihalar muhokama qilindi. Muzokaralarda investorlarning bug‘-gaz elektr stansiyasi qurilishi, mis qazib olish va qayta ishlash klasteri tashkil etish, ko‘p qavatli turar joy majmualari barpo etish, ip-kalava, mato hamda tayyor kiyim-kechak mahsulotlari ishlab chiqarish, mis hamda ko‘mir qazib olish va qayta ishlash loyihalari ko‘rib chiqildi.
Yakunda mazkur kompaniyalar bilan qo‘shma investitsion loyihalarni amalga oshirish va hamkorlikni yanada kengaytirish yuzasidan kelgusidagi qadamlar belgilab olindi.
