Hududlarda madaniy-ma’rifiy hayotni yuksaltirish, aholi uchun munosib madaniyat va dam olish shart-sharoitlarini yaratish maqsadida yangi madaniyat muassasalari barpo etilmoqda. Bu esa amalga oshirilayotgan islohotlarning muhim samarasidan dalolatdir.Boysun tumanidagi “Sayrob” mahalasida umumiy qiymati 1 milliard 783 million so‘m bo‘lgan loyiha doirasida 80 o‘ringa mo‘ljallangan yangi madaniyat markazi ochildi.
Shuningdek, Oltinsoy tumanidagi tog‘li hudud sanalmish — “Katta Vaxshivor” mahalasida ham yangi madaniyat markazi ish boshladi. Ilgari bir xonali moslashtirilgan binoda faoliyat yuritgan 37-Vaxshivor madaniyat markazi uchun 1 milliard 380 million so‘mlik zamonaviy va barcha qulayliklarga ega yangi bino qurib bitkazildi.
Endilikda ushbu muassasalar belgilangan loyiha asosida “Namunali madaniyat markazi” sifatida faoliyat yuritadi hamda aholiga ko‘rsatilayotgan madaniy xizmatlar sifati yanada yaxshilanadi.
