Termiz shahrida “Oilalar mustahkamligini ta’minlashda “Oqila ayollar harakati”ning o‘rni” mavzusida forum bo‘lib o‘tdi. Tadbir oila institutini mustahkamlash, farzand tarbiyasi, xotin-qizlarning ma’rifati hamda jamiyatda sog‘lom ma’naviy muhitni shakllantirishda “Oqila ayollar” harakatining o‘rni va ta’sirini yanada oshirish maqsadida tashkil etildi.
Forumda shahar, tuman va mahallalarda faollik ko‘rsatayotgan harakat a’zolari ishtirok etdi. Viloyat hokimining o‘rinbosari — Oila va xotin-qizlar boshqarmasi boshlig‘i Zulxumor Xidirova hamda sohaga mas’ul mutasaddilar “Oqila ayollar” harakatining jamiyatdagi ahamiyati, ijtimoiy muammolarni bartaraf etishdagi roli haqida o‘z fikr-mulohazalarini bildirishdi.
Yakunda faol ishtirok etgan ayollar taqdirlandi. Shuningdek, madaniyat xodimlari ishtirokida konsert dasturi namoyish etildi.
