Endilikda aholini ijtimoiy qo‘llab-quvvatlash hamda qulay shart-sharoit yaratish maqsadida shaxsni tasdiqlovchi elektron hujjatlarni yuritish tizimi joriy etiladi. Bu esa aholi uchun qulay sharoit yaratadi. Shu bilan bir qatorda hujjatlarning qayergadir tushirib qoldirish-u yo‘qotishlar oldi olinishiga ham sabab bo‘ladi.
Jumladan, 1-iyuldan shaxsni tasdiqlovchi hamda boshqa hujjatlarning my.gov.uz.dagi elektron shakli rasman tan olinadi. Shuningdek, qog‘oz nusxalari notarial idoralarda, aeroport, banklarda, vokzal kabi tegishli hujjatlarni so‘raydigan tashkilotlarda talab etilmaydi. Bu haqda Prezidentning “Aholini ijtimoiy qo‘llab-quvvatlashda “ijtimoiy karta” tizimini joriy etish chora-tadbirlari to‘g‘risida”gi qarorida nazarda tutilgan.
Hujjatga muvofiq, “Raqamli hukumat” tizimi idoralararo integratsiyalashuv platformasi doirasida shaxsiy hujjatlarning unifikatsiyalangan raqamli servislari joriy etiladi.
Dinara Quzimurotova
