Denov tumani “Inson” ijtimoiy xizmatlar markazi tomonidan tumandagi “Lochin” mahallasi hududida joylashgan “Qaqajonlar” MTT xususiy korxonasi tasarrufida “Imkoniyatlar olami” dasturi asosida “Kunduzgi parvarishlash” guruhi tashkil etildi.
Mazkur guruhda 8 nafar nogironligi bo‘lgan bola parvarishlanishi yo‘lga qo‘yildi. Guruhda nogironligi bo‘lgan bolalar uchun dastlabki kundalik faoliyatdagi tarbiyaviy ishlar, erta aralashuv xizmati amalga oshirilmoqda.
Ushbu guruhga taklif etilgan bolalarning ota-onalari farzandlari sog‘lom bolalar kabi ta’limga, tarbiyaga jalb etilganidan minnatdor ekanligini bildirishdi.
