Sportchilarimiz e’tirof etildi

Yurtimiz sharafini munosib himoya qilib, bayrog‘imizni yuksak cho‘qqilarga olib chiqayotgan yoshlarimizni kuzatganlar borki, munosib izdosh bo‘lib, tanlagan yo‘llarida muvaffaqiyatlarga erishishmoqda. Xitoyning Tayan shahrida para taekvondo bo‘yicha “Xalqaro taekvondo federatsiyasi prezidenti kubogi” uchun bo‘lib o‘tgan musobaqada ham yoshlarimiz bo‘sh kelmadi.
Dunyoning 30 ga yaqin mamlakatidan 200 nafardan ortiq para taekvondochi qatnashgan mazkur musobaqada O‘zbekiston terma jamoasi a’zolari 3 ta oltin, 2 ta kumush va 3 ta bronza, jami 8 ta medalga sazovor bo‘lgan holda umumjamoa hisobida birinchi o‘rinni egalladi. E’tiborlisi, terma jamoamiz nafaqat birinchi o‘rinni, balki bir qator nominatsiyalarda ham e’tirof etildi. Jumladan, Bobur Qo‘ziyev — eng yaxshi murabbiy, Qudrat Muhammadiyev — eng yaxshi erkak sportchi sifatida e’tirof etilgan bo‘lsa, Karomat Rustamova — eng yaxshi ayol sportchi, Qizlarxon Isomiddinova esa eng yaxshi yosh sportchi deb topildi.