66-maktabning sport zali xizmatga shay

Denov tumanidagi ushbu maktabning sport zali yangidan qurilib, foydalanishga topshirildi. 2024-yil “Ochiq budjet” portali orqali 1 360 million so‘mlik sport zali qurish loyihasi tashabbusi eʼlon qilinib, maktab eng koʻp ovoz yigʻish orqali gʻolib deb topilgan edi.
Shundan so‘ng, amaliy sa’y-harakatlar boshlanib, qisqa vaqt ichida sport zalida qurilish ishlari yakuni yetkazildi. Viloyat hokimi onlayn tarzda zamonaviy sport zalini ochib berdi.
Sport zalining ochilish marosimi tantanali tadbirga aylanib, maktabda faoliyat koʻrsatgan mehnat faxriylari, mahalla faollari hamda tegishli masʼul idora vakillari ishtirok etishdi. Albatta, maktab o‘quvchilarning quvonchi cheksiz, endilikda ular barcha shart-sharoitlari mujassam bo‘lgan sport zalida vaqtlarini mazmunli o‘tkazishadi.