Arab tili bo‘yicha imtiyoz bekor qilindi

O‘zbekiston musulmonlari idorasi tasarrufidagi oliy va o‘rta maxsus islom ta’lim muassasalariga kirish imtihonlari bo‘yicha muhim o‘zgarish joriy etildi. Endilikda arab tili bo‘yicha milliy yoki xalqaro sertifikatga ega abituriyentlarga imtiyoz (maksimal ball) berish tartibi bekor qilindi.
Avval arab tili bo‘yicha sertifikatga ega bo‘lgan abituriyentlar imtiyoz sifatida maksimal ball olgan bo‘lsa, endilikda bunday imkoniyat bo‘lmaydi. YA’ni barcha abituriyentlar test sinovlarida to‘liq ishtirok etishlari shart.
Bu o‘zgarish imtihon jarayonini yanada adolatli qilish va barcha abituriyentlarga teng imkoniyat yaratish maqsadida amalga oshirilgan. Ushbu o‘zgarish natijasida diniy ta’lim muassasalariga kirish imtihonlari yagona baholash tizimi asosida o‘tkaziladi. Arab tili bo‘yicha sertifikatga ega bo‘lish imtihonda ball olish uchun yetarli emas.