Qiziriq tuman favqulodda vaziyatlar boʻlimi tomonidan “Yosh qutqaruvchi” musobaqasining tuman bosqichi bo‘lib o‘tdi. Unda tumandagi barcha umumta’lim maktabining yuqori sinf o‘quvchilari ishtirok etdi.
Musobaqaning asosiy maqsadi favqulodda vaziyatlar chog‘ida to‘g‘ri harakat qilish, jabrlanganlarni qutqarish, ularga birinchi tibbiy yordam ko‘rsatishda tezkorlik va aniqlik darajasini amalda sinab ko‘rish edi. Tashkilotchilar tanlovdan ko‘zlagan maqsadiga yetdilar, sababi ishtirokchilar berilgan shart va vazifalarni to‘la-to‘kis va sidqidildan ado etdilar.
Yakunda g‘oliblarga esdalik sovg‘alari va diplomlar topshirildi.
