OILALAR YARASHTIRILDI

Bugun qarashlar o‘zgargan. Hayotga yengil qarab, oilaviy munosabatlarda sovuqqonlik qilayotganlar ajrashish borasida qaror qabul qilishlari ham oson kechmoqda. Ikki o‘rtada norasida go‘daklarning tirik yetimga aylanayotgani ayanchli. Qumqoʻrgʻon tumanida Surxondaryo viloyati hokimining oʻrinbosari Z.Xidirova boshchiligida tuman oilaviy qadriyatlarni mustahkamlash komissiyasi ajrim yoqasidagi oilalar bilan suhbat oʻtkazildi.
Tadbirda oilalar mustahkamligini ta’minlash, farzand tarbiyasi borasidagi mas’uliyatni oshirish, oilaviy qadriyatlarni mustahkamlash, jamiyatda tinchlik va barqarorlikni saqlashda oilaning tutgan o‘rnini borasida oilalarga kerakli tavsiyalar berildi. Yakunda esa ajrim yoqasidagi 5 ta oila yarashtirildi.