Tadbir qizg‘in tus oldi

Har qanday tadbir va tashabbusning ahamiyati, foydasi bo‘lar ekan, u e’tibordan chetda qolmaydi. Majburan ishtirok etish esa darrov zeriktirib qo‘yadi. Angor tumanida Milliy gvardiya tuman bo‘limi tashabbusi bilan 14-yanvar — Vatan himoyachilari kuni munosabati bilan tashkil etilgan tadbir esa yoshlar e’tiborini tortgani, qiziqtira olgani bilan ahamiyatli bo‘ldi.
Muhimi, tadbir balandparvoz fikrlar, uzundan uzoq va’zxonlikdan emas, tomoshaga kelganlarning-da ishtiroki bilan yanada qizg‘in tus oldi. Tadbirda yoshlar kamondan o‘q otishda o‘zlarining mahoratlarini sinovdan o‘tkazdilar. Arqon tortish musobaqasi esa jamoalarni chaqqonlikka chorladi. Muhimi, o‘tgan vaqt qiziqarli va maroqli kechdi.
Ayniqsa, stol tennisi va shaxmat-shashka shinavandalari ham yoddan ko‘tarilmadi, balki o‘zlarini sinab ko‘rishdi. Bundan tashqari, harbiy qurol-aslahalar bilan tanishuv esa barchani qiziqitirib qo‘ydi.