«Ravnaq-ul bo‘ston» — O‘zbekistonga taqdim etildi

O‘zbekistondagi Islom sivilizatsiyasi markaziga buyuk olim Ali Qushchining o‘g‘li Qozi Abdurahmon qalamiga mansub «Ravnaq-ul bo‘ston» asarining faksimile nusxasi olib kelindi. Kitob Markazga Istanbul universiteti professori Emek Ushenmez tomonidan taqdim etilgan.
«Ravnaq-ul bo‘ston» bog‘dorchilikka bag‘ishlangan bo‘lib, unda mevalarni yetishtirish, saqlash va nihollarni parvarishlash bo‘yicha qimmatli tavsiyalar berilgan. O‘zbekistonning Istanbuldagi bosh konsulxonasi xabariga ko‘ra, ayni paytda asarni o‘zbek tiliga tarjima qilish ishlari olib borilmoqda. Ma’lumot uchun, ushbu asarning asl nusxasi Ayo Sofiya kutubxonasida saqlanmoqda.