Surxondaryo viloyati hokimi Ulug‘bek Qosimov Termiz davlat agrotexnologiyalar va muhandislik universitetida vohada investitsiya loyihalarini ishlab chiqish, amalga oshirish, yangi quvvatlarni ishga solgan holda ish o‘rinlari yaratish borasidagi ishlar taqdimoti, shuningdek, sohada belgilab berilgan vazifalar ijrosi yuzasidan mutasaddilarning axborotlari bilan tanishdi.
Prezidentning Surxondaryo viloyatini ijtimoiy-iqtisodiy rivojlantirish borasida qabul qilingan qarorida investitsiya, eksport va sanoat sohalarida berilgan vazifalar ijrosini ta’minlash maqsadida kelgusi yilda ishga tushirilishi lozim bo‘lgan loyihalar, xorijiy va mahalliy investitsiyalarni jalb qilish, eksport ko‘rsatkichlarini oshirish yuzasidan tarmoq rahbarlariga tegishli topshiriqlar berildi.
