Maoshini muhtoj oila farzandlari uchun sarfladi

Sariosiyo tumanidagi 12-sonli umumta’lim maktabining boshlang‘ich sinf o‘qituvchisi, “Do‘stlik” ordeni sohibasi Latofat Ismatova 10 million so‘mga yaqin oylik maoshi oladi. Saxovatpesha ustoz ham “Kambag‘allikdan farovonlik sari” dasturi doirasida amalga oshirilayotgan ezgu amallarga hamohang tarzda tashabbus ko‘rsatdilar.
Latofat Ismatova o‘z oylik maoshiga 6 ta ijtimoiy himoyaga muhtoj oilaga 1 million so‘mdan pul mablag‘i hamda turli bayram sovg‘alarini xarid qilib, hadya qildi. Yangi yil arafasida bu bolajonlar uchun ajoyib sovg‘a bo‘ldi. Ustozning muruvvati murg‘ak qalblarni quvonchga to‘ldirdi.