Germaniyalik mutaxassislar Sho‘rchida

Xalqaro hamkorlik aloqalari tibbiyot yo‘nalishida ayni zarurat. Bu soha rivoji uchun xizmat qilishini unutmasligimiz kerak. Germaniya davlati bilan hamshiralarni tayyorlash bo‘yicha xalqaro hamkorlik tashkiloti (GIZ) Sho‘rchi tumanidagi Abu Ali Ibn Sino nomidagi jamoat salomatligi texnikumi bilan hamkorlik shatnomasini imzolagan. Shartnomani imzolashdan maqsad tumanda xalqaro talablarga javob beradigan o‘rta tibbiyot mutaxassislarini tayyorlash, Germaniya tajribasini amaliyotga tatbiq etishdir. Texnikumda 3 yo‘nalish bo‘yicha 350 nafar talaba bilim olmoqda. Shartnoma asosida 4 nafar bitiruvchi hozirda Germaniyada mehnat faoliyatini davom ettirmoqda.Tumandagi Abu Ali Ibn Sino nomidagi jamoat salomatligi texnikumida bo‘lgan xorijlik tibbiyot sohasi xodimlari malakali o‘qituvchi va talabalar bilan suhbatlashdi. Bir vaqtning o‘zida amaliy va nazariy bilimlarga ega bo‘layotgan talaba-yoshlarning dars jarayonlari bilan ham tanishishdi.