“Alpomish” kurash majmuasi rekonstruksiya qilindi

“Alpomish” kurash majmuasida ko‘plab sportchi yoshlar kashf etilib, O‘zbekiston va jahon chempioni degan nom qozonganini iftixor ila e’tirof etmaslikning iloji yo‘q. o‘z navbatida uchbu majmuaga ham e’tibor qaratish, kerakli shart-sharoitlarni yaratish lozim. Ayni jarayonlarni kuzatgan yoshlar ham ana shunday g‘amxo‘rlikdan ruhlanib, yanada yuqori marralarni ko‘zlaydi. Shu sababdan ham “Alpomish” kurash majmuasi rekonstruksiya qilindi.
Buning uchun 26 milliard so‘m mablag‘ ajratilib, loyiha doirasida qurilish-ta’mirlash ishlari amalga oshirildi. Mazkur majmuaning foydalanishga topshirish tadbirida viloyat hokimining o‘rinbosari Ilhom Saparov, sport boshqarmasi mutasaddilari, kurash faxriylari, nuroniylar hamda yoshlar ishtirok etdi.
Majmua yakkakurash sport turlariga ixtisoslashgan bo‘lib, yoshlarimizning sport bilan muntazam shug‘ullanishi uchun barcha zarur sharoitlar yaratilgan.