Yorqin kelajak sari

Barcha sohalarda bo‘lgani kabi ta’limda ham ixtisoslashuvning bo‘lgani, bola bilan ishlashda iqtidori, qiziqishi inobatga olingan holda o‘quv jarayonlarining olib borilishi, natijaga erishishni osonlashtiradi. Bu esa yoshlarni bir maqsad yo‘lida birlashtirish bilan birga qiziqishini yanada oshirishi turgan gap. Viloyatimizdagi ixtisoslashtirilgan ta’lim muassasalari agentligi tizimidagi ixtisoslashtirilgan maktablarning barchasida umumta’lim maktablari o‘quvchilari uchun “Ochiq eshiklar kuni” tadbirlari o‘tkazildi.
Unda o‘quvchilar ixtisoslashtirilgan maktablarda yaratilgan shart-sharoitlar, o‘quv zali, ma’naviyat va ma’rifat xonasi, madaniy dam olish xonalari, sport seksiyalari, fan va badiiy havaskorlik to‘garaklari, “Zakovat” o‘yinlarini o‘tkazish uchun yaratilgan sharoitlar, “Besh muhim tashabbus” yo‘nalishlari bo‘yicha to‘garak xonalarining mavjudligi, kutubxona faoliyati bilan yaqindan tanishib, o‘zlarini qiziqtirgan savollariga javob olishdi.