Munosib ishtirok etdi

Ona zamin ohanglarini shu zaminda tug‘ilgan, tuprog‘i hidini his etib, milliyligini, qadriyatlarini o‘ziniki qilganlargina yaxshi biladi. Ularning qoni, joni, butun vujudi ona yurt bilan bog‘lanib, qalbi san’atiga jo bo‘lgan bo‘ladi. Shuning uchun ham folklor-etnografik jamoalarining chiqishlarini tomosha qilsak, dildan yayraymiz. Bu chiqishlar qandaydir jonli, qalbga yaqin va ohanrabosi bordek, qayta va qayta tinglab tomosha qilish istagini alangalataveradi.
Ana shunday iqtidorlarni kashf etuvchi “Ona zamin ohanglari” respublika teletanlovining viloyat bosqichida Sariosiyo tuman madaniyat boʻlimi tasarrufidagi 44-son Dashnobod madaniyat markazi qoshida tashkil etilgan “Dashnobod anori” faxrli 1-oʻrinni egallab, tanlovning respublika bosqichiga yo‘llanma olgan edi. “Dashnobod anori” folklor-etnografik jamoasi tanlovning respublika bosqichiga ishtirok etib, vohamiz sharafini munosib himoya qildi, milliyligimizni, qadriyat-u san’atimizni namoyon etdi.