“Bo‘lajak sudya” nominatsiyasi bo‘yicha

Sud-huquq sohasida tahsil olayotgan yosh borki, o‘zini bo‘lajak yurist, huquqshunosdek his etadi. Albatta, bunday hissiyotlar tagzamirida katta maqsad, intilish mujassam. Bo‘lajak sudyalar nazariy bilim olish bilan birga, sud ishlarida ham ishtirok etib, olgan bilimlarini amaliyot bilan mustahkalamoqdalar. Zero, amaliyot tajriba va sohaga qiziqishni oshirib boradi.
Termiz davlat universitetining yuridik kadrlarni tayyorlash sohasida faoliyat yuritayotgan oliy ta’lim muassasalari o‘qituvchilari, talabalari o‘rtasida “Bo‘lajak sudya” nominatsiyasi bo‘yicha tanlov tashkil etildi. Tanlovda har bir bir guruhda 5 nafar ishtirokchidan iborat bo‘lgan 4 ta guruh ishtirok etdi.
Tanlov ikki qismidan iborat bo‘lib, birinchi bosqichda sohaga oid savollarga javob berish tarzida o‘tkazilgan bo‘lsa, ikkinchi bosqichda sud jarayoni ko‘rinishidagi sahna ko‘rinishi qo‘yib berishlari belgilandi. Shu tariqa bilim va ko‘nikmalar, mahorat va iste’dodlar sinalgan tanlovda g‘olib bo‘lgan jamoalarga faxriy yorliq hamda esdalik sovg‘alari topshirildi.