Termiz va Sochi o‘rtasida aviareyslar qatnovi yo‘lga qo‘yiladi

Insonlar yangi hissiyotlar va o‘ziga dam berish yo‘llarini axtaradi. Ular bolaligida ko‘rganlaridan butunlay begona bo‘lgan hissiyotlar kabi yangi narsalarni qidiradi. Turizmga ishtiyoq tug‘diruvchi sabablar haqida gap ketganda, katta-yu kichikning sayohatga chiqish istagi oshadi. O‘zga mamlakatning urf-odatlari, mintaqa tabiati, mazali taomlarni tatib ko‘rish, madaniyati va tarixi, muzey va me’morchiliklarni tomosha qilish barcha insonlar qalbiga zavq ulashadi.
Yangi joylarga sayohat qilishni istagan insonlar soni kun sayin ortib bormoqda. Jumladan, xorijiy turistlar oqimini ko‘paytirish, turizmni rivojlantirish hamda vohadoshlarimizning Rossiya Federatsiyasiga safarlari uchun qulayliklar yaratish maqsadida joriy yil 1-apreldan boshlab, “Termiz xalqaro aeroporti”dan ilk bor to‘g‘ridan-to‘g‘ri Rossiyaning Sochi shahriga “Termiz-Sochi” (Adler) yo‘nalishida yangi aviareys parvozi boshlanadi.
Parvozlar zamonaviy va xavfsiz bo‘lgan “Superjet-100” havo kemasida “Azimut” aviakompaniyasi tomonidan amalga oshiriladi va “Termez-Sochi” (Adler) yo‘nalishida parvoz vaqti 3 soat 50 daqiqani tashkil etadi.
Aviareyslar haftaning dushanba kunlari “Termiz-Sochi” va “Sochi-Termiz” yo‘nalishida amalga oshiriladi.