San’at borasida gap ketganida beixtiyor ilhomlanib ketasiz. Har bir oilada hech bo‘lmaganda bir nafar farzandimizning san’at sohasida ishtiyoqi baland bo‘ladi. Kimdir bolaligidan raqs, qo‘shiq, fortopianino va san’atning turli yo‘nalishlarini tanlaydi. O‘zlarining jozibali ovozlari bilan boshqalarga hushkayfiyat ulashadi.
Yoshlarning istedodini yuzaga chiqarish maqsadida Termiz ixtisoslashtirilgan sanʼat maktabida “Yoshlik bahori” respublika yosh opera ijrochilarining Surxondaryo viloyati hududiy saralash bosqichi boʻlib oʻtdi. Ushbu tanlovda Termiz ixtisoslashtirilgan sanʼat maktabining akademik vokal yo‘nalishida 10-11-sinf o‘quvchilari ishtirok etib, o‘z iste’dodlarini sinovdan o‘tkazishdi.
Har bir chiqishni Alisher Navoiy nomidagi opera va balet teatridan tashrif buyurgan opera solistlari baholab borishdi. Tanlov yuqori saviyada oʻtkazildi.
Dinara Qo‘zimurotova
