Oliygohlarning reytingi qanchalik yuqori bo‘lsa, unda tahsil olishni istovchi yoshlarning safini yanada kengaytiradi. Italiyaning Salento universiteti ham shunday. Nafaqat yepropalik, balki dunyoning turli burchaklaridagi yoshlar ushbu oliygohda o‘qishni, tanlagan sohasining yetuk mutaxassisi bo‘lib yetishishni orzu qilishi sir emas.
Albatta, bunday natijaga o‘z-o‘zidan erishilmaydi. Ilmiy salohiyatning yuqoriligi, ta’limning xalqaro standartlarga moslashib, yoshlar auditoriyasiga mhoirona yetkaza olishda ham gap ko‘p. Ayni paytda ushbu nufuzli universitetning rahbari professor Fabio Pollise boshchiligidagi delegatsiya O‘zbekistonda bo‘lib turibdi. Termiz davlat universiteti rektori mehmonlarni qabul qildi.
Uchrashuv davomida ikki tomonlama aloqalarni rivojlantirish va istiqboldagi rejalar yuzasidan fikr almashildi. Hamkorlikdagi tadqiqotlar, qoʻshma taʼlim dasturlari, ilmiy hamda arxeologik tadqiqot rejalarini amalga oshirish kabi masalalar muhokama qilindi.
Uchrashuvda ikki universitet o‘rtasida ko‘rilgan masalalar bo‘yicha hamkorlik memorandumi imzolandi.
