5- maktab g‘olib bo‘ldi

Eng yaxshi maktabda ta’lim sifati yuqori darajada bo‘ladi. Ilmli, ma’rifatli kadrlar jalb etilib, o‘quvchining vaqti mazmunli tashkil etiladi. Qolaversa, fanlarga, ijodga, sportu barcha yo‘nalishlarga to‘g‘ri yo‘naltirilgan, tillarni o‘qitish va kasb o‘rganish masalasida ham ildam bo‘ladi.
Oltinsoy tumanidagi 5-umumta’lim maktabi jamoasi “Bolalarolami.uz” veb-sayti tomonidan o‘tkazilgan “Yilning eng yaxshi maktabi-2023” 1-an’anaviy respublika tanlovida ishtirok etdi. Turgan gapki, eng ko‘p ovoz to‘pladi va tanlov g‘olibi deb topildi. Albatta, muvaffaqiyat o‘z-o‘zidan qozonilmaydi. Har bir ovoz maktabdagi ishlar tizimli yo‘lga qo‘yilganidan, farzandlari munosib tahsil olayotganidan, o‘quvchi-yoshlar esa berilayotgan ta’lim-tarbiyadan rozi ekanidan so‘zlab turgandek bo‘ladi.